Собиқ футболчи Тьерри Анри "Манчестер Сити" ҳужумчиси Эрлинг Холандга маслаҳат берди. Франциялик собиқ футболчининг фикрича, 22 ёшли норвегиялик ўнг оёғида ишлаши керак.
"Агар Холанд ўнг оёғида ишласа ва ўнг оёғи билан худди чап оёғидагидек зарба берса, у ҳафтасига 100 та гол уриши мумкин. Эфирда айтдим. Менимча, унинг жарима майдончасида ўрганадиган ҳеч нарсаси йўқ - у ерда унга тенг келадигани йўқ. Аммо яхшироқ бўлиш учун бошқа нарсалар ҳам бор" - деди Анри CBS Sports билан суҳбатда.
"Манчестер Сити"даги дебют мавсумида Эрлинг Холанд 53 учрашувда 52 та гол урди. Норвегиялик футболчи 9 та голли узатма ҳам амалга оширди.
