"Napoli"ning meksikalik vingeri Irving Losano "Aston Villa"ga o‘tishga yaqin, deb xabar beradi Football Insider. Manbaning xabariga ko‘ra, Losano tufayli birmingemliklar hujumdagi xilma-xillikni oshirmoqchi.
Losano o‘tgan mavsumda "Napoli" bilan Italiya chempionligini qo‘lga kiritdi. U o‘z klubi safida barcha turnirlarda jami 41 ta o‘yin o‘tkazib, 4 ta gol va 1 ta golli uzatmani amalga oshirgan. Etiborlisi, futbolchining neapolliklar bilan amaldagi shartnomasiga atigi bir yil vaqt qoldi.
Eslatib o‘tamiz, "Aston Villa" Premyer-ligada mavsumni yettinchi o‘rinda yakunladi va keyingi mavsumda UYEFA Konferensiyalar Ligasida o‘ynaydi.
Transfermarkt 27 yoshli Losanoni 28 million yevroga baholagan.
