"Brayton" o‘tgan mavsumni "chayqalar"da ijara asosida o‘tkazgan markaziy himoyachi Levi Kolvill uchun "Chelsi"ga qayta so‘rov yubormoqda.

Roberto de Dzerbi jamoasi futbolchining transferi uchun 47 million yevro taklif qilib, "ko‘klar"ni ko‘ndirishga harakat qilmoqchi. Bu haqda jurnalist Fabrisio Romano ijtimoiy tarmoqlarda xabar berdi.

Manbaning qo‘shimcha qilishicha, "Chelsi" o‘z tarbiyalanuvchisini sotishga rozi bo‘lmasa kerak, chunki klub Kolvillni uzoq muddatli loyihasining eng muhim qismi deb hisoblaydi. Kolvillning shartnomasi 2025 yilgacha mo‘ljallangan.