Kataloniyaning “Barselona” klubini o‘z safiga qo‘shib olmoqchi bo‘lgan “Manchester Siti” yarim himoyachisi Ilkay Gyundogan faoliyatini Yevropadan tashqarida davom ettirishi mumkin. Todofichajes jurnalistlariga ma’lum bo‘lishicha, 32 yoshli germaniyalik futbolchining transferiga Saudiya Arabistoni chempionati klublari qiziqish bildirmoqda.
Oldinroq "Barselona" Ilkayni erkin agent sifatida o‘z safiga qo‘shib olishga yaqin ekani haqida xabarlar tarqalgan edi. "Manchester Siti" o‘z navbatida futbolchi bilan shartnomani uzaytirmoqchi.
Gyundogan 2016 yilning iyul oyidan beri “shaharliklar” safida to‘p tepmoqda. Tomonlar o‘rtasidagi amaldagi shartnoma shu oy oxirida yakuniga yetadi.
