Каталониянинг “Барселона” клубини ўз сафига қўшиб олмоқчи бўлган “Манчестер Сити” ярим ҳимоячиси Илкай Гюндоган фаолиятини Европадан ташқарида давом эттириши мумкин. Todofichajes журналистларига маълум бўлишича, 32 ёшли германиялик футболчининг трансферига Саудия Арабистони чемпионати клублари қизиқиш билдирмоқда.
Олдинроқ "Барселона" Илкайни эркин агент сифатида ўз сафига қўшиб олишга яқин экани ҳақида хабарлар тарқалган эди. "Манчестер Сити" ўз навбатида футболчи билан шартномани узайтирмоқчи.
Гюндоган 2016 йилнинг июл ойидан бери “шаҳарликлар” сафида тўп тепмоқда. Томонлар ўртасидаги амалдаги шартнома шу ой охирида якунига етади.
