O‘zbekiston milliy jamoasi bosh murabbiyi Srechko Katanesning yordamchisi Vlado Radmanovich CAFA Nation's Cup doirasidagi Turkmanistonga qarshi o‘yin haqida fikr bildirdi.
"Dastlab, Srechko Katanes bilan bog‘liq vaziyatga oydinlik kiritmoqchiman. U bugun ertalab shoshilinch tarzda uyiga ketishiga to‘g‘ri keldi. Buning sababi sog‘liq bilan bog‘liqmi yoki oilaviy bilmaymiz. O‘yin davomida 2 xil bo‘limlar guvohiga aylandik. Ikkinchi bo‘limdagi vaziyatlardan foydalangan holda g‘alabaga erishdik.
Jismoniy holat bo‘yicha muammo? Bunday turnirlarda qisqa vaqt ichida ko‘plab o‘yinlar o‘tkazishimizga to‘g‘ri keladi. Futbolchilar xatto nafas olishga qiynalishdi. Shu vaziyat sabab o‘yinchilarni almashtirdik va uslub tanladik.
Abduqodir Husanov va Abbos Fayzullayev o‘zbek futbolining kelajagi. Keyingi o‘yinda Abbosga imkoniyat beramiz. Yoshlar jamoasi o‘yinlarini ko‘ryapmiz, ammo, afsuski ulardan barcha futbolchilarni tarkibga chaqira olmaymiz. Bugungi tarkibdagi va o‘yindagi qarorlarni birgalikda qabul qildik.
