Ўзбекистон миллий жамоаси бош мураббийи Сречко Катанецнинг ёрдамчиси Владо Радманович CAFA Nation's Cup доирасидаги Туркманистонга қарши ўйин ҳақида фикр билдирди.
"Дастлаб, Сречко Катанец билан боғлиқ вазиятга ойдинлик киритмоқчиман. У бугун эрталаб шошилинч тарзда уйига кетишига тўғри келди. Бунинг сабаби соғлиқ билан боғлиқми ёки оилавий билмаймиз. Ўйин давомида 2 хил бўлимлар гувоҳига айландик. Иккинчи бўлимдаги вазиятлардан фойдаланган ҳолда ғалабага эришдик.
Жисмоний ҳолат бўйича муаммо? Бундай турнирларда қисқа вақт ичида кўплаб ўйинлар ўтказишимизга тўғри келади. Футболчилар хатто нафас олишга қийналишди. Шу вазият сабаб ўйинчиларни алмаштирдик ва услуб танладик.
Абдуқодир Ҳусанов ва Аббос Файзуллаев ўзбек футболининг келажаги. Кейинги ўйинда Аббосга имконият берамиз. Ёшлар жамоаси ўйинларини кўряпмиз, аммо, афсуски улардан барча футболчиларни таркибга чақира олмаймиз. Бугунги таркибдаги ва ўйиндаги қарорларни биргаликда қабул қилдик.
