Yozgi transfer bozori "Napoli" himoyachisi Kim Min Chjeni qo‘lga kiritish uchun kurash qizg‘in kechmoqda. Koreyalik futbolchi "Manchester Yunayted" bilan faol aloqada bo‘lgan, ammo hozirda "Bavariya" futbolchi uchun kurashda favoritga aylandi. Jurnalist Janluka di Marsioning o‘z veb-saytida yozishicha, myunxenliklar Kimni sotib olish variantini amalga oshirishga tayyor. Insayder Florian Plettenberg transfer narxini 50 dan 70 million yevrogacha deb baholamoqda.
Shu bilan birga, jurnalist Santi Aunaning qayd etishicha, "Bavariya" allaqachon 26 yoshli Kimning agenti bilan muzokaralar olib bormoqda. Myunxenliklar futbolchiga maosh sifatida yiliga 10 million yevro to‘lashga tayyor.