"Marsel"ning polshalik hujumchisi Arkadiush Milikning Turinning "Yuventus" klubiga doimiy transferi borasida yangi tafsilotlar ma’lum bo‘ldi.
Taniqli insayder Nikola Skiraning so‘zlariga ko‘ra, "Yuventus" Milikning ijarasi uchun 0,5-1 million yevro to‘laydi. Kelishuvda majburiy sotib olish ko‘zda tutilgan. Bu 5-5,5 million yevroni tashkil etadi.
Shuningdek, italyan klubi kelasi mavsumda Chempionlar ligasiga yo‘l olsa va hujumchi mavsumning kamida yarmida o‘ynasa, kelajakdagi to‘liq shartnomaga qo‘shimcha to‘lovlarni kiritishga tayyor.