Londonning “Chelsi” klubi La Liganing so‘nggi sakkiz turida to‘qqizta gol urgan “Vilyarreal” hujumchisi Nikolas Jeksonni sotib olishni jiddiy maqsad qilgan.
Jurnalist Fabrisio Romanoning so‘zlariga ko‘ra, "aristokratlar" kelishuv ehtimolini faol ravishda o‘rganmoqda. Qayd etilishicha, “Chelsi” senegallik futbolchini bir necha yil davomida bo‘lib-bo‘lib sotib olish variantini ko‘rib chiqmoqda.
Maurisio Pochettino jamoasi ayni damda faol ravishda yangi forvard izlamoqda va variantlardan biri bu Jekson bo‘lib, u bozorda "Napoli"dan Viktor Osimxen yoki Turinning "Yuventus" klubidan Dushan Vlaxovichdan ko‘ra arzonroq narxda mavjud.