"Milan" chap qanot himoyachisi Teo Ernandesga Angliyaning ikki top-klubi qiziqish bildirmoqda.

Corriere della Sera nashri xabariga ko‘ra, "Manchester Yunayted" va "Manchester Siti" fransiyalik futbolchini sotib olmoqchi.

25 yoshli Teo 4 mavsumni Milanda o‘tkazdi va u o‘zini Italiya A Seriyasining eng yaxshi himoyachilaridan biri sifatida ko‘rsatdi. Fransiyalik futbolchi hujumda yaxshi o‘ynaydi, shu sababli, Manchesterning ikki klubining e’tiborini tortmoqda.

Ernandes A Seriyadagi so‘nggi mavsumda 4 ta gol va 3 ta golli uzatmani amalga oshirdi.