Tutto Atalanta xabariga ko‘ra, "Atalanta" hujumchi Rasmus Xoylundni 35 million yevroga sotish taklifini rad etdi. 20 yoshli daniyalikni sotib olishga uringan klub nomi sir saqlangan.

Italiya jamoasi Xoylundni sotishdan kamida 50 million, bonuslarni hisobga olgan holda esa 75-80 million daromad olishni kutmoqda.

Futbolchiga “Manchester Yunayted”, “Yuventus”, “Milan”, “Inter” va “Napoli” klublari qiziqish bildirmoqda.

20 yoshli daniyalik o‘tgan avgust oyida "Atalanta"ga ko‘chib o‘tgandi. Uning jamoa bilan shartnomasi 2027 yilgacha mo‘ljallangan.

Joriy mavsumda Xoylund A Seriyada 31 ta o‘yinda maydonga tushib, 8 ta gol urdi va 4 ta golli uzatmani amalga oshirdi.