Tutto Atalanta хабарига кўра, "Аталанта" ҳужумчи Расмус Хойлундни 35 миллион еврога сотиш таклифини рад этди. 20 ёшли данияликни сотиб олишга уринган клуб номи сир сақланган.
Италия жамоаси Хойлундни сотишдан камида 50 миллион, бонусларни ҳисобга олган ҳолда эса 75-80 миллион даромад олишни кутмоқда.
Футболчига “Манчестер Юнайтед”, “Ювентус”, “Милан”, “Интер” ва “Наполи” клублари қизиқиш билдирмоқда.
20 ёшли даниялик ўтган август ойида "Аталанта"га кўчиб ўтганди. Унинг жамоа билан шартномаси 2027 йилгача мўлжалланган.
Жорий мавсумда Хойлунд А Серияда 31 та ўйинда майдонга тушиб, 8 та гол урди ва 4 та голли узатмани амалга оширди.
