“Arsenal” “Chelsi” klubi hujumchisi Kay Xaversni sotib olishdan umidini uzmayapti.
Taniqli jurnalist Fabrisio Romanoning so‘zlariga ko‘ra, "kanonirlar" boshliqlari "Bavariya"ni kurashda mag‘lub etish istagida. Biroq ma’lum qilinishicha, Premyer-liga kumush medali sohiblari 75 million funt sterlinglik shartnomani yopish imkoniyatiga ega emaslar.
Eslatib o‘tamiz, 24 yoshli futbolchiga yozda "Real", "Bavariya" va "Arsenal" klublari qiziqish bildirmoqda. Transfermarkt ma’lumotlariga ko‘ra, "ko‘klar" bilan shartnomasi 2025 yilda tugaydigan hujumchining narxi 60 million yevroni tashkil qiladi.