“Арсенал” “Челси” клуби ҳужумчиси Кай Хаверцни сотиб олишдан умидини узмаяпти.
Таниқли журналист Фабрицио Романонинг сўзларига кўра, "канонирлар" бошлиқлари "Бавария"ни курашда мағлуб этиш истагида. Бироқ маълум қилинишича, Премьер-лига кумуш медали соҳиблари 75 миллион фунт стерлинглик шартномани ёпиш имкониятига эга эмаслар.
Эслатиб ўтамиз, 24 ёшли футболчига ёзда "Реал", "Бавария" ва "Арсенал" клублари қизиқиш билдирмоқда. Transfermarkt маълумотларига кўра, "кўклар" билан шартномаси 2025 йилда тугайдиган ҳужумчининг нархи 60 миллион еврони ташкил қилади.