Gollandiya terma jamoasi bosh murabbiyi Ronald Kuman Millatlar ligasida uchinchi o‘rin uchun Italiyaga qarshi o‘yin oldidan OAVga gapirdi.
“Bo‘lajak o‘yinda biz ½ finaldagidek kuch bilan o‘ynashga harakat qilamiz. O‘shanda ba’zi imkoniyatlarni o‘tkazib yubordik.
Xuddi shu ruhda davom etishimiz kerak, lekin kamroq xato qilishimiz zarur. O‘yindan ikkita gol o‘tkazib yubordik, shu bois himoyamiz qoniqarli bo‘lmadi. Bu boshqa takrorlanmasligi kerak", - deya UEFA matbuot xizmati mutaxassisning so‘zlaridan iqtibos keltirdi.
Gollandiya va Italiya terma jamoalari o‘rtasidagi uchrashuv bugun, 18 iyun kuni bo‘lib o‘tadi.
