Xorvatiya terma jamoasi bosh murabbiyi Zlatko Dalich Millatlar ligasi finalida Ispaniyaga qarshi bo‘lib o‘tadigan o‘yin haqidagi fikrlari bilan o‘rtoqlashdi.
"Biz bu jamoa bilan yaxshi tanishmiz. Ular to‘pga ega bo‘lishni yaxshi ko‘radilar, ularda individual jihatdan juda kuchli bo‘lgan ajoyib futbolchilar bor. Bu eng yuqori saviyali jamoa.
Shu bilan birga, Xorvatiya terma jamoasi ham ispanlar bilan raqobatlasha oladigan darajada kuchli. Maydonda buni isbotlaylik", - dedi murabbiy.
Millatlar ligasining final uchrashuvi Rotterdamdagi stadionda bo‘lib o‘tadi.
Qo‘shimcha qilib o‘tamiz, uchinchi o‘rin uchun kurashda Italiya va Gollandiya terma jamoalari to‘qnash kelishadi.
