Хорватия терма жамоаси бош мураббийи Златко Далич Миллатлар лигаси финалида Испанияга қарши бўлиб ўтадиган ўйин ҳақидаги фикрлари билан ўртоқлашди.
"Биз бу жамоа билан яхши танишмиз. Улар тўпга эга бўлишни яхши кўрадилар, уларда индивидуал жиҳатдан жуда кучли бўлган ажойиб футболчилар бор. Бу энг юқори савияли жамоа.
Шу билан бирга, Хорватия терма жамоаси ҳам испанлар билан рақобатлаша оладиган даражада кучли. Майдонда буни исботлайлик", - деди мураббий.
Миллатлар лигасининг финал учрашуви Роттердамдаги стадионда бўлиб ўтади.
Қўшимча қилиб ўтамиз, учинчи ўрин учун курашда Италия ва Голландия терма жамоалари тўқнаш келишади.