Eduar Mendi faoliyatini Saudiya Arabistonida davom ettirishi mumkin.
Footmercato xabariga ko‘ra, o‘tgan mavsumda yuqori ligaga ko‘tarilgan "Al-Ahli" "Chelsi" darvozaboniga 3 yillik shartnoma taklif qilmoqda. Xabar qilinishicha, klub allaqachon Mendi vakillari bilan aloqaga chiqqan.
Eduar Mendining "Chelsi" bilan shartnomasi 2025 yilning iyunida yakuniga yetadi. Avvalroq, London klubi joriy yozgi transfer oynasida darvozabon bilan xayrlashmoqchi ekani haqida xabar berilgandi.