"Chelsi" markaziy himoyachisi Kalidu Kulibali Saudiya Arabistoniga o‘tish arafasida.
London klubi 31 yoshli futbolchini sotishga tayyor, senegallikning o‘zi ham "Al-Hilol"ning taklifiga ijobiy javob qaytarmoqchi. Jurnalist Janluka di Marsioning xabar berishicha, Kulibali Saudiya klubida yiliga deyarli 30 million yevro maosh oladi. Markaziy himoyachiga uch yillik shartnoma taklif qilindi.
Kalidu Kulibali o‘tgan yilning iyul oyida "Napoli"dan "Chelsi"ga o‘tgan edi. Transfermarkt uning transfer qiymatini 25 million yevroga baholamoqda. Yakunlangan mavsumda futbolchi 32 ta o‘yin o‘tkazib, ikkita gol urgan.