"Челси" марказий ҳимоячиси Калиду Кулибали Саудия Арабистонига ўтиш арафасида.
Лондон клуби 31 ёшли футболчини сотишга тайёр, сенегалликнинг ўзи ҳам "Ал-Ҳилол"нинг таклифига ижобий жавоб қайтармоқчи. Журналист Жанлука ди Марционинг хабар беришича, Кулибали Саудия клубида йилига деярли 30 миллион евро маош олади. Марказий ҳимоячига уч йиллик шартнома таклиф қилинди.
Калиду Кулибали ўтган йилнинг июль ойида "Наполи"дан "Челси"га ўтган эди. Transfermarkt унинг трансфер қийматини 25 миллион еврога баҳоламоқда. Якунланган мавсумда футболчи 32 та ўйин ўтказиб, иккита гол урган.