Ispaniya terma jamoasi Millatlar ligasi finalining birinchi bo‘limida xorvatiyalik raqiblari darvozasiga birorta aniq zarba yo‘llay olmadi.
Luis de la Fuente shogirdlari raqib darvozasiga oltita zarba yo‘llagan bo‘lsa-da, ulardan birortasi ham nishonga aniq bormadi. OPTA ma’lumotlariga ko‘ra, bu Millatlar ligasida o‘tkazilgan barcha 20 o‘yinda birinchi bo‘limdagi "qizil furiya" ko‘rsatgan eng yomon natija.
Shunisi e’tiborga loyiqki, xorvatlar kamroq - to‘rt marta zarba berishni uddalashdi, ammo ular raqiblariga qaraganda ancha aniqroq harakat qilib, nishonga uch marta aniq yo‘llay olishdi.
