Ispaniya terma jamoasi faxriy a’zolaridan biri Dani Karvaxal Millatlar ligasidagi g‘alaba haqida gapirdi. U Xorvatiyani mag‘lub etganidan keyin shunday dedi:
"Biz uchun bu turnir titul yutish uchun yagona imkoniyat edi. Negaki, mundialni erta tark etishga majbur bo‘lgan edik. Shu sabab qanday bo‘lmasin, yutishimiz kerak edi. Jamoada penaltilar borasida katta tajriba mavjud.
Mening navbatim kelganida, qanday tepishni o‘yladim va "panenka" uslubidan foydalanishga qaror qildim. Oltinchi bo‘lib darvoza yoniga borishimni bilardim. O‘ylashimcha, biz haqli g‘alabaga erishdik".
