Eron terma jamoasi bosh murabbiyi Amir Galinoi ertaga, 20 iyun kuni bo‘lib o‘tadigan CAFA Nation's Cup finali doirasidagi O‘zbekistonga qarshi o‘yin oldilan fikrlari bilan o‘rtoqlashdi.

"O‘zbek futboli haqida yetarlicha ma’lumotga egamiz, biz mamlakatingiz hukumati futbolga katta sarmoya kiritayotgani biz uchun quvonarli hol. 2006 yil Malayziyada Eron termasida murabbiy bo‘lganman va u yerda O‘zbekiston bilan uchrashganmiz. Hozir shu fikrni alohida aytmoqchimanki, O‘zbekiston texnik va infratstruktura yaratishda katta yutuqlarni qo‘lga kiritibdi. Ertaga yaxshi final guvohiga aylanamiz degan umiddaman.

Jamoa shifokorlar shtabi Sardor Azmun ertangi o‘yinda ishtirok etishi borasida aniq fikrlar aytmadi. O‘yindan oldin barchasi aniq bo‘ladi. Futbolchilarning salomatligi biz uchun barchasidan ustun. Bugungi mashg‘ulotlardan so‘ng shifokorlar yana bir bor Azmunning holati bo‘yicha fikr bildiradi.

O‘zbekiston bosh murabbiy biroz betob ekanligidan xabar topdik. Umid qilamizki, u tez orada sog‘ayib ketadi. Hali raqibni tahlil qilishga ulgurmadik, avvalgi kuzatishlarimizga ko‘ra, ular 2 ta taktikada harakat qilishini o‘rgandik - 3 ta himoyachi va odatiy 4 ta himoyachi bilan. Asosiy o‘rganishlar bugun bo‘lib o‘tadi. Qirg‘izistondagi safar tufayli O‘zbekistonni o‘rganish imkoni bo‘lmadi. Bugun mashg‘ulotlar oldidan ularni taktikasini o‘rganishga harakat qilamiz.

CAFA musobaqasi tashkilotchilariga minnatdorchilik bildiraman. Bu fikrlarimni Qirg‘izistondagi tashkilotchilarga ham bildirdim. Har bir ishni boshlanishi qiyin bo‘ladi, ammo sekin-asta u rivojlanib boradi. Bu CAFA ning birinchi tadbirlaridan biri bo‘lgani uchun ayrim kamchiliklar bo‘lishi tabiiy. Ularning faoliyatiga omad tilaymiz. Biz musobaqni hurmat qilgan holda to‘liq tarkib bilan ishtirok etyapmiz. Ertangi o‘yindan rohat olishga harakat qilamiz", - dedi forslar bosh murabbiyi.