Belgiyalik darvozabon Tibo Kurtua o‘ng tizzasidan olgan jarohati sabab jamoani tark etdi. Bu haqda jurnalist Xorxe Pikon ijtimoiy tarmoqlarida xabar berdi.
Eslatib o‘tamiz, ertaga Kurtua ta’til oldidan mavsumdagi so‘nggi o‘yinini o‘tkazishi kerak edi. Belgiya terma jamoasi Yevro-2024 saralash bahsida Estoniya bilan mehmonda maydonga tushadi. Avvalroq belgiyaliklar hozirda guruhda peshqadamlik qilayotgan Avstriyani mag‘lub eta olmagandi.
Kurtua avvalroq Belgiya terma jamoasi bosh murabbiyi Domeniko Tedesko bilan mojaroga sabab bo‘lgandi. Biroq, bu ma’lumot hali tasdiqlanmagan.