Menxengladbaxning "Borussiya" klubi himoyachisi Niko Elvedi yozgi transferlar vaqtida jamoani tark etishi mumkin, deya xabar bermoqda Kicker.
Manbaning xabar berishicha, menxegladbaxliklar yozda tarkibni kuchaytirmoqchi, shu bois bir qator o‘yinchilarni, jumladan Elvedini ham sotishni rejalashtirmoqda.
Avvalroq shveysariyalik futbolchiga Premyer-liga va A Seriya klublari qiziqish bildirayotgan bo‘lsa, hozirda "Roma" vaziyatni kuzatib bormoqda, biroq futbolchining atrofidagilar bilan hech qanday muzokara olib borilmadi.
Elvedining "Borussiya" (M) bilan shartnomasi kelasi yozgacha amal qiladi. Futbolchining narxi 20 million yevroga baholamoqda.
26 yoshli himoyachi o‘tgan mavsumda 34 o‘yinda 3 ta gol urdi.
