"PSJ" darvozaboni Serxio Riko komadan chiqdi, deya xabar beradi Telecinco.
Manbaning xabariga ko‘ra, futbolchi tibbiy sabablarga ko‘ra komadan chiqarilgan. Uning hozir qanday holatda ekanligi haqida ma’lumot berilmagan.
Darvozabonning oilasi kasalxonadan Rikoning sog‘lig‘i haqida izoh bermaslikni so‘radi.
28 may kuni ispaniyalik futbolchi otdan yiqilib, jiddiy jarohat oldi. U tibbiy vertolyotda shifoxonaga yetkazilgan. U yerda 29 yoshli Rikoning miyasiga qon quyilishi tashxisi qo‘yilgan.
Futbolchi 2020 yildan buyon "PSJ"da o‘ynab kelmoqda. U o‘tgan mavsum parijliklar safida birorta ham o‘yin o‘tkazmadi.
