"ПСЖ" дарвозабони Серхио Рико комадан чиқди, дея хабар беради Telecinco.
Манбанинг хабарига кўра, футболчи тиббий сабабларга кўра комадан чиқарилган. Унинг ҳозир қандай ҳолатда эканлиги ҳақида маълумот берилмаган.
Дарвозабоннинг оиласи касалхонадан Риконинг соғлиғи ҳақида изоҳ бермасликни сўради.
28 май куни испаниялик футболчи отдан йиқилиб, жиддий жароҳат олди. У тиббий вертолётда шифохонага етказилган. У ерда 29 ёшли Риконинг миясига қон қуйилиши ташхиси қўйилган.
Футболчи 2020 йилдан буён "ПСЖ"да ўйнаб келмоқда. У ўтган мавсум парижликлар сафида бирорта ҳам ўйин ўтказмади.
