"Nyukasl" "Barselona" hujumchisi Rafinya Diasga qiziqish bildirmoqda.
Jijantes xabariga ko‘ra, "qarg‘alar" hujum chizig‘ini 26 yoshli vinger bilan kuchaytirmoqchi. Manbaning xabariga ko‘ra, "Nyukasl" braziliyalik futbolchi uchun Kataloniya klubiga 30 million yevro taklif qilishni, shuningdek, shartnomaga ularning yarim himoyachi yetakchisi, avvalroq "ko‘k-anorranglilar" qiziqib qolgan Bruno Gimarayshni ham kiritishni maqsad qilgan.
Rafinya o‘tgan mavsumda barcha musobaqalarda 50 ta o‘yinda 10 ta gol urdi va 12 ta golli uzatmani amalga oshirdi. Futbolchining “Barselona” bilan tuzgan mehnat shartnomasi 2027 yilgacha amal qiladi. Transfermarkt ma’lumotlariga ko‘ra Rafinya 60 million yevroga baholangan.