CAFA Nations Cup—2023 finalida O‘zbekiston milliy terma jamoasi 20 iyun, seshanba kuni Eronga qarshi bahs olib bordi.

Uchrashuvning birinchi bo‘limida darvozalar daxlsiz qoldi. Ikkinchi bo‘limning boshidayoq hisob ochildi. Eronlik futbolchi Sardor Azmun O‘tkir Yusupov darvozasini ishg‘ol qildi.

Ikkinchi bo‘limda Oston O‘runov  darvozabon bilan birga-bir vaziyatda imkoniyatdan foydalana olmagan bo‘lsa, yana bir vaziyat Shomurodov yakkama-yakka vaziyatga chiqib  borayotganida rossiyalik hakam kechiktirilgan fol uchun o‘yinni to‘xtatib, saviyasizlik namoyish etdi.

90-daqiqada esa eronlik Muhammad Kanani qizil kartochka olib, maydonni tark etdi. Uchrashuvda boshqa gol urilmadi va Eron 1:0 hisobida g‘alaba qozondi.

Shu tariqa O‘zbekiston terma jamoasi CAFA Nations Cup—2023 musobaqasini ikkinchi o‘rin bilan yakunladi. Eron esa ilk bor o‘tkazilayotgan musobaqa g‘olibiga aylandi.

3-o‘rin uchun bahsda Ummon terma jamoasi Qirg‘izistonni 1:0 hisobida mag‘lub etdi.

CAFA Nations Cup—2023, Final

20 iyun, seshanba
O‘zbekiston – Eron 0:1
Gol: 0:1 — 47 Azmun
O‘zbekiston: 1. O‘tkir Yusupov, 2. Hojiakbar Alijonov, 4. Farruh Sayfiyev, 7. Otabek Shukurov, 9. Odiljon Hamrobekov, 10. Jaloliddin Masharipov (26. Abbosbek Fayzullayev, 71), 11. Oston O‘runov, 13. Sherzod Nasrullayev (25. Hojimat Erkinov, 78), 14. Eldor Shomurodov, 15. Umar Eshmurodov, 18. Abdulla Abdullayev.
Eron: 1. Alirizo Beyranvand (12. Said Niyozmand, 11), 3. Exson Hoji Safiy, 6. Said Izzatullohiy, 8. Murtazo Puraliganjyi, 9. Mehdi Taremiy, 13. Muhammad Kananiy, 15. Ruzbeh Cheshmiy, 17. Mehdi Qoidiy (11. Vohid Amiriy, 46), 18. Muhammad Muhebbiy, 20. Sardor Azmun (5. Said Karimiy, 75), 23. Ramin Rezaiyan.
Ogohlantirishlar: Odil Hamrobekov (39), Mehdi Taremi (42), Ramin Rezaiyan (89), Muhammad Kanani (90).
Chetlatish: Muhammad Kananiy (90).