CAFA Nations Cup—2023 финалида Ўзбекистон миллий терма жамоаси 20 июнь, сешанба куни Эронга қарши баҳс олиб борди.

Учрашувнинг биринчи бўлимида дарвозалар дахлсиз қолди. Иккинчи бўлимнинг бошидаёқ ҳисоб очилди. Эронлик футболчи Сардор Азмун Ўткир Юсупов дарвозасини ишғол қилди.

Иккинчи бўлимда Остон Ўрунов  дарвозабон билан бирга-бир вазиятда имкониятдан фойдалана олмаган бўлса, яна бир вазият Шомуродов яккама-якка вазиятга чиқиб  бораётганида россиялик ҳакам кечиктирилган фол учун ўйинни тўхтатиб, савиясизлик намойиш этди.

90-дақиқада эса эронлик Муҳаммад Канани қизил карточка олиб, майдонни тарк этди. Учрашувда бошқа гол урилмади ва Эрон 1:0 ҳисобида ғалаба қозонди.

Шу тариқа Ўзбекистон терма жамоаси CAFA Nations Cup—2023 мусобақасини иккинчи ўрин билан якунлади. Эрон эса илк бор ўтказилаётган мусобақа ғолибига айланди.

3-ўрин учун баҳсда Уммон терма жамоаси Қирғизистонни 1:0 ҳисобида мағлуб этди.

CAFA Nations Cup—2023, Финал

20 июнь, сешанба
Ўзбекистон – Эрон 0:1
Гол: 0:1 — 47 Азмун
Ўзбекистон: 1. Ўткир Юсупов, 2. Ҳожиакбар Алижонов, 4. Фарруҳ Сайфиев, 7. Отабек Шукуров, 9. Одилжон Ҳамробеков, 10. Жалолиддин Машарипов (26. Аббосбек Файзуллаев, 71), 11. Остон Ўрунов, 13. Шерзод Насруллаев (25. Ҳожимат Эркинов, 78), 14. Элдор Шомуродов, 15. Умар Эшмуродов, 18. Абдулла Абдуллаев.
Эрон: 1. Алиризо Бейранванд (12. Саид Ниёзманд, 11), 3. Эхсон Ҳожи Сафий, 6. Саид Иззатуллоҳий, 8. Муртазо Пуралиганжйи, 9. Меҳди Таремий, 13. Муҳаммад Кананий, 15. Рузбеҳ Чешмий, 17. Меҳди Қоидий (11. Воҳид Амирий, 46), 18. Муҳаммад Муҳеббий, 20. Сардор Азмун (5. Саид Каримий, 75), 23. Рамин Резаиян.
Огоҳлантиришлар: Одил Ҳамробеков (39), Меҳди Тареми (42), Рамин Резаиян (89), Муҳаммад Канани (90).
Четлатиш: Муҳаммад Кананий (90).