Yevropa jamoalari safida Romelu Lukakudan ko‘proq gol urgan atigi 3 nafar futbolchi bor.
Belgiya terma jamoasi hujumchisi Yevro saralashida Estoniya bilan o‘yinda dubl qayd etdi.
Umuman olganda, 30 yoshli futbolchi milliy terma jamoa safida 108 ta uchrashuvda 75 ta gol urgan. Shandor Kochish (Vengriya) 68 o‘yinda xuddi shunday natija qayd etgan.
Kuchli uchlikdan Krishtianu Ronaldu (Portugaliya, 200ta o‘yinda 122ta gol), Ferens Pushkash (Vengriya va Ispaniya, 89 ta o‘yinda 84 ta gol) va Robert Levandovski (Polsha, 141ta o‘yinda 78ta gol) joy olgan.