"PSJ" hujumchisi Neymar "Barselona"ga qaytishni istamoqda, deya xabar beradi Diario Sport.
Manbaning xabariga ko‘ra, 31 yoshli braziliyalik futbolchi "Barselona"ga qaytishga umid qilmoqda va buning uchun maoshini kamaytirishga tayyor, garchi avvalroq kataloniyaliklar bosh murabbiyi Xavi futbolchining transferi klub rejalariga kiritilmaganini aytgan bo‘lsa ham.
Neymar 2017 yilda "Barselona"dan "PSJ"ga o‘tgan edi. 2022/23 yilgi mavsumda hujumchi parijliklar safida barcha turnirlar doirasida 29 ta o‘yinda maydonga tushib, 18 ta gol urdi va 17 ta golli uzatmani amalga oshirdi.













