"Milan" yarim himoyachisi Sharl de Ketelarening agenti Tom de Mules futbolchining klubda qolishiga ishonmoqda.
"Milan" unga 100 foiz ishonadi. U Yevropaning top-klubiga moslashish uchun vaqt ajratgan birinchi iqtidor emas. Umid qilamanki, uning ikkinchi mavsumi muvaffaqiyatli o‘tadi", - deya agent so‘zlarini keltiradi Football Italia.
"Milan" futbolchini "Bryugge"dan 35 million yevroga sotib olgandi. 40ta o‘yinda u jamoa uchun birorta ham gol ura olmagan. 22 yoshli futbolchining “Milan” bilan shartnomasi 2027 yilning yoziga qadar tuzilgan.