FIFA kunlari o‘z yakuniga yetib, chempionatmiz o‘yinlari qaytmoqda.

«Ajdarlar» Superliganing 13-turida Olmaliqning OKMK jamoasi bilan bellashadi. Bellashuv  24 iyun kuni 20:00 da start oladi.

So‘nggi yillarda Ro‘ziqul Berdiyev va Mirjalol Qosimov boshchiligidagi bu ikki jamoa o‘rtasidagi bellashuvlar keskinligi bilan muxlislar o‘rtasida katta qiziqishlarga sabab bo‘lmoqda. 24 iyun kuni barcha muxlislarni «Markaziy» o‘yingohga chorlab qolamiz.

Sizlar bilan qisqacha OKMK jamoasiga qarshi bellashuvlardagi statistik ma’lumotlar bilan o‘rtoqlashamiz:

Jamoalar O‘zbekiston chempionatida shu vaqtga qadar 32 bor kuch sinashishgan. Bo‘lib o‘tgan 14 uchrashuvda «ajdarlar», 5 o‘yinda esa «konchilar» zafar quchishgan. 13 uchrashuvda esa durang natija qayd etilgan.

To‘plar nisbati 48:29 ga teng. Ustunlik qarshiliklar tomonda.

O‘zaro uchrashuvlarda qayd etilgan eng yuqori hisoblar quyidagicha: “Nasaf“ – OKMK 4:0, OKMK – «Nasaf» 2:0.

Jamoalar so‘nggi o‘zaro uchrashuvni 2022 yili 17 avgust kuni Qarshida o‘tkazishgan. Bu uchrashuvda hisob ochilmagan.

E’tiboringizga, jamoalar ishtirokidagi Qarshidagi so‘nggi besh uchrashuvning natijalarini havola qilamiz:

17.08.2022. Nasaf — OKMK 0:0
14.03.2021. Nasaf — OKMK 1:1
21.10.2020. Nasaf — OKMK 2:0
26.04.2019. Nasaf — OKMK 4:0
25.11.2018. Nasaf — OKMK 2:2.