Ilkay Gyundogan "Barselona"ga o‘tishga rozi bo‘ldi.
Insayder Fabrisio Romanoning so‘zlariga ko‘ra, "blaugrana" yarim himoyachini jamoaga yangi kelgan futbolchi sifatida ro‘yxatdan o‘tkazishga ruxsat olgan, shundan so‘ng 32 yoshli futbolchi transferga rozi bo‘lgan.
Nemis futbolchisi "Manchester Siti"ni erkin agent sifatida tark etadi. U allaqachon "Barselona" bilan yana bir yilga uzaytirish imkoniyati bilan ikki yillik shartnoma imzolagan.
2022/23 yilgi Premyer-ligada Gyundogan 31 uchrashuvda maydonga tushib, 8 gol urgan.