Yarim himoyachi N'Golo Kante "Chelsi"dagi xotiralari bilan o‘rtoqlashdi.

Oldinroq “Al-Ittihod” 32 yoshli fransiyalik futbolchining transferi haqida ma’lum qilgandi.

"Mening orzuim futbolchi bo‘lish va sovrinlar yutish uchun harakat qilish edi", - deya Kantedan iqtibos keltiradi London klubi matbuot xizmati. — "Chelsi" men uchun orzularimni amalga oshirish uchun ajoyib imkoniyat edi. "Chelsi"ga qo‘shilgan birinchi kunimda menga bu yerda maqsad har doim sovrinlarni yutish ekanligini aytishdi. Har doim. Men buni uddaladim va murabbiylarim, jamoadoshlarim va “Chelsi” muxlislaridan bunga erishishimda yordam berganliklari uchun juda minnatdorman. Bu klubdagi bir necha yil men uchun va umid qilamanki, "Chelsi" muxlislari uchun ajoyib bo‘ldi".

Kante "Chelsi"da 2016 yildan buyon o‘ynab kelayotgan edi. O‘tgan mavsumda u barcha turnirlarda 9ta o‘yinda maydonga tushib, bitta golga assistentlik qilgan. U jarohat tufayli mavsumning ko‘p qismini o‘tkazib yubordi.