"Manchester Yunayted" sotuvi borasida faqat bir da’vogar qolmoqda. Xabarlarga ko‘ra, Gleyzerlarga taklif bilan chiqqan ikki tomonning biri mag‘lubiyatga uchraganini tan olgan. Britaniya milliarderi Ser Jim Retkliff "MYU"ni sotib olish uchun ortiq kurashmaydi.
Gleyzerlar jamoani sotuvga qo‘yganidan yetti oy o‘tsa ham, masala hal bo‘lmadi. Qatarlik sarmoyadorlar klubni 100 foiz sotib olishni taklif qilgan bo‘lsa, Ser Jim 69 foiz aksiyani xarid qilishni ko‘zlagan edi. "MYU" uchun arablar 5.5 milliard futn taklif etgan.
