“Monako” himoyachisi Aksel Disasi Fransiya chempionatini tark etib, Angliya Premyer-ligasiga o‘tishi mumkin. Bu haqda RMC Sport nashri xabar bermoqda.

Manba bergan xabarga ko‘ra, 25 yoshli futbolchining xizmatlariga uchta top-klub qiziqish bildirmoqda. Gap "Manchester Yunayted", shuningdek, Londonning "Arsenal" va "Chelsi" klublari haqida bormoqda. Fransiyalik futbolchi uchun kurashda "qizil iblislar" favorit sanaladi. "Monegaskliklar" Aksel uchun 40 million yevro taklif tushsa, u bilan xayrlashishga tayyor.

Disasi o‘tgan mavsum Fransiya chempionatida 38 ta o‘yinda maydonga tushib, 3 ta gol urdi, 3 ta golga assistentlik qildi va 3 ta sariq kartochka oldi.