“Монако” ҳимоячиси Аксель Дисаси Франция чемпионатини тарк этиб, Англия Премьер-лигасига ўтиши мумкин. Бу ҳақда RMC Sport нашри хабар бермоқда.

Манба берган хабарга кўра, 25 ёшли футболчининг хизматларига учта топ-клуб қизиқиш билдирмоқда. Гап "Манчестер Юнайтед", шунингдек, Лондоннинг "Арсенал" ва "Челси" клублари ҳақида бормоқда. Франциялик футболчи учун курашда "қизил иблислар" фаворит саналади. "Монегаскликлар" Аксель учун 40 миллион евро таклиф тушса, у билан хайрлашишга тайёр.

Дисаси ўтган мавсум Франция чемпионатида 38 та ўйинда майдонга тушиб, 3 та гол урди, 3 та голга ассистентлик қилди ва 3 та сариқ карточка олди.