"Real Madrid" "turkiyalik Messi"ni kuzatib bormoqda.
AS nashri xabariga ko‘ra, madridliklar "Fenerbaxche"ning 18 yoshli yarim himoyachisi Arda Gyulerga qiziqish bildirmoqda.
Turkiyalik futbolchining shartnomasida tovon puli 17,5 million yevroni tashkil etadi. Unga "Milan", "Barselona", "PSJ" va Premyer-liga klublari ham qiziqish bildirmoqda.
Matbuotda Gyulerni ko‘pincha "turkiyalik Messi" deb atashadi. Bundan tashqari, aprel oyida bo‘lib o‘tgan "Fenerbaxche" - "Galatasaroy" uchrashuvida "Arda Gyuler - Turk Messisi" degan banner osilgan edi.
Mavsumdagi 35 uchrashuvda Arda 6 ta gol urdi va 7 ta golli uzatmani amalga oshirdi.