Piter Krauch futbolchilarni yoshligida Saudiya Arabistonida klublarga qo‘shilishlarini tanqid qildi.

Oldinroq "Al-Hilol" "bo‘rilar"ning 26 yoshli yarim himoyachisi Ruben Neveshning 47 million yevroga transferiga rozi bo‘lgandi.

"Futbolchi nuqtai nazaridan, bu qisman tushunarli. Ammo 25 yoshli o‘yinchilarning Saudiya klublariga ko‘chib o‘tishini tushunmayapman.

Siz har doim har qanday ligadan 10 yil orqada qolasiz, biz buni avval ham ko‘rganmiz. Saudiya Arabistoni haqida faqat shuni aytishim mumkinki, bu yigitlarning maqsadi jiddiy. Ular buni LIV golf (Saudiya PIF fondi tomonidan moliyalashtirilgan golf turi - muallif) bilan qilishdi, ulardan qochib bo‘lmaydi. Balki futbolda ham shunday bo‘lar. Buni e’tiborsiz qoldirib bo‘lmaydi, chunki biz xohlaymizmi yoki yo‘qmi, bu sodir bo‘lmoqda.

26 yoshida Saudiya Arabistonida o‘ynash uchun ketayotgan Nevesh kabi futbolchilarga kelsak... Masalan, Ronaldu va Benzemani tushunaman - bu futbolchilar hamma narsaga erishgan. Bu ularning pul topish va faoliyatini yakunlash uchun oxirgi imkoniyati. Ular o‘yinda xohlagan narsalariga erishdilar.

Ammo 25-26 yoshli yigitlarda nimadir yutish imkoniyati bor. Bu xotiralar va meros haqida. Ular hali ham yaxshi maosh olishadi, shunday emasmi?" - dedi Krauch TalkSport bilan suhbatda.