Питер Крауч футболчиларни ёшлигида Саудия Арабистонида клубларга қўшилишларини танқид қилди.
Олдинроқ "Ал-Ҳилол" "бўрилар"нинг 26 ёшли ярим ҳимоячиси Рубен Невешнинг 47 миллион еврога трансферига рози бўлганди.
"Футболчи нуқтаи назаридан, бу қисман тушунарли. Аммо 25 ёшли ўйинчиларнинг Саудия клубларига кўчиб ўтишини тушунмаяпман.
Сиз ҳар доим ҳар қандай лигадан 10 йил орқада қоласиз, биз буни аввал ҳам кўрганмиз. Саудия Арабистони ҳақида фақат шуни айтишим мумкинки, бу йигитларнинг мақсади жиддий. Улар буни LIV golf (Саудия PIF фонди томонидан молиялаштирилган гольф тури - муаллиф) билан қилишди, улардан қочиб бўлмайди. Балки футболда ҳам шундай бўлар. Буни эътиборсиз қолдириб бўлмайди, чунки биз хоҳлаймизми ёки йўқми, бу содир бўлмоқда.
26 ёшида Саудия Арабистонида ўйнаш учун кетаётган Невеш каби футболчиларга келсак... Масалан, Роналду ва Бенземани тушунаман - бу футболчилар ҳамма нарсага эришган. Бу уларнинг пул топиш ва фаолиятини якунлаш учун охирги имконияти. Улар ўйинда хоҳлаган нарсаларига эришдилар.
Аммо 25-26 ёшли йигитларда нимадир ютиш имконияти бор. Бу хотиралар ва мерос ҳақида. Улар ҳали ҳам яхши маош олишади, шундай эмасми?" - деди Крауч TalkSport билан суҳбатда.
