Belgiyalik hujumchi Romelu Lukaku Saudiya Arabistoni taklifini ikkinchi bor rad etdi, deb xabar beradi La Gazette Dello Sport.
Manbaga ko‘ra, unga bildirilgan birinchi taklif (ikki yilga 25 million) 30 millionga oshirilgan va mavsum uchun uzaytirilgan, ammo bu belgiyalikning qarorini o‘zgartirmagan. U 30 yoshida Arabistonga ko‘chib o‘tishni erta deb hisoblaydi va hech bo‘lmaganda 2026 yilgi jahon chempionatigacha Yevropada o‘ynashni xohlaydi.
O‘tgan mavsumda forvard "Inter" safida barcha turnirlar doirasida 36 o‘yinda maydonga tushib, 14 gol urgan va 7 golga assistentlik qilgan. U "Chelsi"dan ijaraga olingan "Inter" tarkibida o‘ynadi.