Deklan Rays "Manchester Siti" futbolchisi bo‘lishi mumkin.
Avvalroq, "shaharliklar" yarim himoyachining transferi bo‘yicha "Vest Xem"ga taklif bilan chiqishni rejalashtirayotgani ma’lum bo‘lgandi.
Jurnalist Janluka Di Marsioning so‘zlariga ko‘ra, futbolchining manchesterliklar jamoasiga o‘tish ehtimoli ortib bormoqda. "Siti" "Vest Xem" bilan kelishuvga erisha olishiga ishonmoqda.
Raysga "Arsenal" ham qiziqish bildirmoqda. "Vest Xem" "kanonirlar"ning ikkita transfer taklifini rad etdi.
Rays o‘tgan mavsumda APLda 37 ta o‘yinda maydonga tushib, 4 ta gol va 2 ta golli uzatmaga mualliflik qilgan.