Деклан Райс "Манчестер Сити" футболчиси бўлиши мумкин.
Аввалроқ, "шаҳарликлар" ярим ҳимоячининг трансфери бўйича "Вест Хэм"га таклиф билан чиқишни режалаштираётгани маълум бўлганди.
Журналист Жанлука Ди Марционинг сўзларига кўра, футболчининг манчестерликлар жамоасига ўтиш эҳтимоли ортиб бормоқда. "Сити" "Вест Хэм" билан келишувга эриша олишига ишонмоқда.
Райсга "Арсенал" ҳам қизиқиш билдирмоқда. "Вест Хэм" "канонирлар"нинг иккита трансфер таклифини рад этди.
Райс ўтган мавсумда АПЛда 37 та ўйинда майдонга тушиб, 4 та гол ва 2 та голли узатмага муаллифлик қилган.