Myunxenning “Bavariya” klubining yangi futbolchisi Rafael Gerreyru "qizil mashina" bilan shartnoma imzolaganidan keyin o‘z his-tuyg‘ulari bilan o‘rtoqlashdi.

Eslatib o‘tamiz, portugaliyalik futbolchi Dortmundning "Borussiya" klubidan erkin agent sifatida "Bavariya"ga kelib qo‘shildi.

"Bavariya"dan qo‘ng‘iroq bo‘lganida o‘ylanib o‘tirmay tezda qaror qabul qildim. Men bu buyuk klubda o‘ynashdan faxrlanaman. Yana Tomas Tuxel boshchiligida ishlayotganimdan ham juda xursandman" - dedi Gerreyru Myunxen jamoasi rasmiy saytiga bergan intervyusida.

Rafael avvalroq Dortmundning "Borussiya" jamoasida Tuxel qo‘l ostida o‘ynashga muvaffaq bo‘lgandi. Gerreyruning "Bavariya" bilan shartnomasi 2026 yilgacha mo‘ljallangan.