O‘zbekiston o‘smirlar terma jamoasi bosh murabbiyi Jamoliddin Rahmatullayev U17 Osiyo kubogi guruh bosqichi 3-turi doirasida Vyetnamga qarshi o‘yin oldidan o‘z fikrlarini bildirib o‘tdi.

— Bugungi o‘yinda durang ham O‘zbekistonni keyingi bosqichga olib chiqadi. Ushbu omil jamoaning bugun o‘yiniga qanday ta’sir ko‘rsatadi?
— Biz durang haqida umuman o‘ylamayapmiz. Bugun g‘alaba qozonish uchun bor kuchimiz bilan harakat qilamiz. Durang haqida gap-so‘zi bo‘lishi mumkin emas. Hamma e’tibor g‘alaba qaratilgan.

— Vyetnam haqida qanday fikrdasiz?
— Vyetnam keyingi bosqichga chiqish uchun faqat g‘alaba qozonishi kerak. Shuning uchun bugungi raqibimiz bor kuchi bilan harakat qiladi va oldinga intiladi. Bu narsalarni inobatga olganmiz. Vyetnam — juda yaxshi jamoa. Ular safida individul jihatdan kuchli o‘yinchilar bor. Biz bu jamoani hurmat qilamiz.