"Chelsi" himoyachisi Kalidu Kulibali tez orada "Al-Hilol"ga o‘tadi, deya xabar beradi jurnalist Fabrisio Romano.

Manba bergan xabarga ko‘ra, tomonlar 32 yoshli senegallikning transferi bo‘yicha barcha shartlarni kelishib olgan. Yaqin ikki kun ichida futbolchi tibbiy ko‘rikdan o‘tishi kerak, shundan so‘ng Saudiya Arabistoni klubi kelishuvni rasman e’lon qiladi.

Kulibali 2022 yilning iyulida “Napoli”dan “Chelsi”ga o‘tgan edi. 2022/23 yilgi mavsumda futbolchi londonliklar safida 32 ta o‘yinda maydonga tushib, 2 ta gol va 1 ta golli uzatmani amalga oshirgan.

Transfermarkt.com portali himoyachining narxini 15 million yevroga baholamoqda.