"Челси" ҳимоячиси Калиду Кулибали тез орада "Ал-Ҳилол"га ўтади, дея хабар беради журналист Фабрицио Романо.
Манба берган хабарга кўра, томонлар 32 ёшли сенегалликнинг трансфери бўйича барча шартларни келишиб олган. Яқин икки кун ичида футболчи тиббий кўрикдан ўтиши керак, шундан сўнг Саудия Арабистони клуби келишувни расман эълон қилади.
Кулибали 2022 йилнинг июлида “Наполи”дан “Челси”га ўтган эди. 2022/23 йилги мавсумда футболчи лондонликлар сафида 32 та ўйинда майдонга тушиб, 2 та гол ва 1 та голли узатмани амалга оширган.
Transfermarkt.com портали ҳимоячининг нархини 15 миллион еврога баҳоламоқда.